ދެންހަދާނީ ކިހިނެއް؟

Wednesday, October 23, 2013 0 comments

މިހިރީއެ ހާލަކީ އުޅޭ ކިހިނެއްތަ ދެންހަދާނީ

ޖެހިފާމިވާ ގިލަންމަގޭ ކިހިނެއް ހިތުން ފިލާނީ؟

މީހާދަ ލޯބިލޯތްބެކޭ ބީވެއްޖެޔޭ އަތުންމަގޭ

ހީވޭ މިހާރު ދެންތެދޭ ކީއްބާވެޔޭ ކުރާނީ؟

ހައްތާ ދެލޯދުށުން އެދޭ ރަންލޯބި ސާހިބާ މަގޭ

ކަށްވަޅުތަކުން ބިމުންމެހޭ ބައްދަލު މަދެން ކުރާނީ؟

ފަހުނޭވަޔާއެކީ އެކަން ރަހުމަތްފުޅުން މިވާއަޅަން

އަހުރެންގެ ލޯބި ދެކިލުމަށް މަހުޝަރު ބިމަށްހެ ދާނީ؟

ދާކާށްނެތޭ އެހެންތަނެއް ވާކަށްނެތޭ އެހެންގޮތެއް

ތާކަށްނެތޭ ދެވޭކަށެއް ކާކަށްތަ ދެންގޮވާނީ؟

ސަބަބެއްނެތޭ މިޔާމެދަށް މިބުނާ ގޮތާހިލާފަކަށް

އަބަދަށްހުރީ މިގޮތް އަޅަށް ސުބްހާނަ މިންޔަރާނީ؟

(ބެއްޔަ ތުއްތު)

ރަސްފަންނު